أخطاء الصائمين فى رمضان فى نقاط سريعه

فى أسئله كثيره جدا بتدور فى دماغ شباب وبنات عن العاده السريه أو الأستنماء زى مثلا :
هل العاده السريه تبطل الصيام؟
حكم العاده السريه فى نهار رمضان؟
كفاره العاده السريه فى نهار رمضان؟
كل ده هنجاوب عنه بأمر الله فى صيغه سؤال وجواب وبطريقه مبسطه علشان نقدر نوصل المعلومه بكل سهوله
لكن الأول حضرتك تقدر تزور الموضوع ده عن العاده السريه وتقدر تفهم منه أيه هى العاده السريه وأيه أضرارها وأيه هيا حكمها

بدون إحراج يعنى إيه العاده السريه

نبدأ مع بعض وحده وحده أول سؤال لينا وهو

هل العاده السريه تبطل الصوم وتفطر فى نهار رمضان ؟

الأجابه بكل بساطه أيوه صيامك ضاع عليك لأن طبيعه الأستنماء أنه حرام سواء فى رمضان أو فى غير رمضان والدليل على الكلام ده قول الله سبحانه وتعالى فى سوره المؤمنون 
((وَالَّذِينَ هُمْ لِفُرُوجِهِمْ حَافِظُونَ ۝ إِلَّا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ ۝ فَمَنِ ابْتَغَى وَرَاءَ ذَلِكَ فَأُوْلَئِكَ هُمُ الْعَادُونَ)) 
ويقول النووي رحمه الله: "إذا استمنى بيده -وهو استخراج المني- أفطر بلا خلاف عندنا" انتهى من "المجموع" (6/ 322)فالعاده السريه محرمه جدا لأن الوضع الطبيعى للنشوه اللى حضرتكم بتمروا بيها دى مكانها الطبيعي فى العلاقه الزوجيه فقط .

طيب لو أنا عملت العاده السريه فى نهار رمضان ومحصلش منى أنزال للمنى أو قذف كده أكون فطرت ؟

الأجابه لا ماتكونش فطرت ولا الصوم فسد على أقوال أكثر أهل العلم لأن اللى يفسد الصوم فى العاده السريه هو القذف وده محصلش بس مش معنى كده أنك تثير نفسك وشهوتك لأن ده فى الأصل حرام حتى لو بدون قذف

طيب أنا حصل أنى عملت العاده السريه فى نهار رمضان وحصل منى قذف أو محصلش هل لازم أغتسل من الجنابه؟

لو حضرتك حصل عندك قذف يبقى لازم تغتسل من الجنابه علشان تقدر تصلى وتصوم لكن لو محصلش عندك قذف ده مايوجبش عليك الغسل والدليل أنه مايوجبش الغسل :

1- حديث أم سلمة وفيه : " نعم ، إذا هي رأت الماء " ولم يقل : أو أحست بانتقاله ، ولو وجب الغسل بالانتقال لبينه صلى الله عليه وسلم لدعاء الحاجة لبيانه .

2- حديث أبي سعيد الخدري : " إنما الماء من الماء " ، وهنا لا يوجد ماء ، والحديث يدل على أنه إذا لم يكن ماء فلا ماء .

3- أن الأصل بقاء الطهارة ، وعدم موجب الغسل ، ولا يعدل عن هذا الأصل إلا بدليل . " [ الشرح الممتع 1 / 280 ، وانظر الفروع 1 / 197 ، المبسوط 1 / 67 ، المغني 1 / 128 ، المجموع 2 / 159 ، الموسوعة الفقهية الكويتية 4 / 99 ]

طيب ايه هى الكفاره واللى مفروض أعمله علشان أتوب من اللى أنا عملته فى نهار رمضان ؟

هتقضى اليوم اللى حضرتك فطرته يعنى حضرتك هتصوم مكانه بعد رمضان وليس عليك كفاره 

أخيراً أخى وأختى الحبيبه العاده السريه مضره جدا ولو كانت فيها خير لكن رسول الله صلى الله عليه وسلم نصح بها ولكن قال رسول الله صلى الله عليه وسلم "يا معشر الشباب من استطاع منكم الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم فإنه له وجاء" أي وقاية من الزنا. أخرجه البخاري ومسلم.

نسأل الله أن يحفظنا جميعا من كل سوء وشر ولا تنسوا الدال على الخير كافعله