بسم الله الرحمن الرحيم
والصلاه والسلام على رسول الله محمد عبد الله ورسوله
أنتا هاتتغير أمتى ؟ ممكن أعرف أنتا مستنى أيه ؟
أنتا موش عارف أنك ممكن تموت دلوقتى ؟ أه واللهى دلوقتى وحالا كمان
أيه صحتك كويسه مو بتشتكى من حاجه ؟؟
واللهى موش مقياس ولا شرط ربنا لما بيكون عاوز حاجه بيقولها كن فتكون
والموت الفاجئه بقا كتير موش حاسس بكده ؟؟
أنتا عارف كان فيه رجل بيشتغل مدرس كان محافظ على صحته جدا ولا بيشرب سجاير ولا شاى ولا أى حاجه
وفى يوم كان قاعد مع ناس بيشربوا شاى مارديش يشرب معاهم قالهم الحاجات دى هاتجيب اجالكم وهو قاعد معاهم
قالهم انه عنده ميعاد مع الترزى علشان يستلم البدل بتاعته هاتيجو معايا ولا ايه قالولو ماشى راحو معاه ركبو عربيته وصلو عندى الترزى وقبل مايدخل المحل مات وهو فى العربيه فجأه !!!!
ممكن تقولى بقا كان بيشتكى من ايه ؟؟ ولا اى حاجه
انا بقولك كده علشان خايف عليك أقسم بالله انا ماعرفكش ولا عاوز من وراك حاجه بس انا خايف عليك لأننا بقينا فى زمن
كله فتن ومغريات بتخلى الواحد ينسى ربه وينسى أخرته
انتا عارف أكتر واحد بيحبك فى الدنيا أبوك وأمك لكن لما تموت بيسبوك فى القبر لوحدك ويمشوا هاتلى حد يرضى يقعد معاك فى قبرك !!!
أقسم بالله ماهتلاقى عارف الوحيد اللى بيقعد معاك فى قبرك ايه ؟؟؟ عملك الصالح
هو اللى بيقعد معاك وهو اللى بيدخلك الجنه
انا موش هطول عليك بس راجع نفسك وفكر فى حياتك
لو شايف أنك ماشى صح ؟ كمل فى حياتك
لو شايف أنك ماشى غلط يبقى لازم تقف وتفكر وتشوف نهايتك هاتكون ايه
علشان ماترجعش تندم بعد كده
عارف فيه ناس بتتمنى تصلى ركعه وناس بتتمنى تقول تسبيحه
لكن موش بتقدر لأنها مريضه لكن الحمد لله أنتا بصحتك طيب ايه اللى منعك !!
فكر يأخى بالله عليك فكر فى حياتك وفكر فى أخرتك هاتكون ازاى على معصيه ولا على عمل صالح ؟؟
وأسأل الله العظيم أن ربنا يهدينى ويهديك
إرسال تعليق